საშვილოსნოს პოლიპი არის საშვილოსნოს ღრუს კეთილთვისებიანი ქსოვილოვანი წანაზარდი, რომელიც შესაძლებელია იყოს ერთეული და მრავლობითი - პოლიპოზი.

პოლიპის წარმოქმნის მიზეზები:

ქალის ორგანიზმში მიმდინარე ჰორმონალური დისბალანსი, ჭარბი წონა, ორსულობის თვითნებითი შეწყვეტის ან მშობიარობის შემდეგ განვითარებული პლაცენტარული პოლიპი.

სიმპტომები:
პოლიპს ახასიათებს ჭარბი, გახანგრძლივებული მენსტრუაცია, სისხლიანი გამონადენი ციკლებს შორის. მენოპაუზაში არსებული სისხლიანი გამონადენი ხშირად საშვილოსნოს პოლიპზე ან ენდომეტრიუმის ჰიპერპლაზიაზე მიუნიშნებს.

შესაძლებელია თუ არა პოლიპი უშვილობის მიზეზი გახდეს?
დიახ, პოლიპი ხშირად უშვილობის მიზეზიც არის. ზოგჯერ ის საშვილოსნოს ღრუში ისეთ ადგილას მდებარეობს, რომ კვერცხსავალი მილების შესასვლელს ფარავს, ზოგჯერ კი, როცა მოზრდილია ან მრავლობითი, ხელს უშლის ემბრიონის ენდომეტრიუმში ჩანერგვას.

დიაგნოსტიკა:
პოლიპის აღმოჩენა შესაძლებელია
ექოსკოპიური გამოკვლევით. თუმცა, ზუსტი დიაგნოსტირებისთვის - მისი ზომის, ფორმის, მდებარეობისა და სტრუქტურის განსაზღვრისთვის, მაინც ჰისტეროსკოპიული მეთოდია მიზანშეწონილი.

მკურნალობა:
საშვილოსნოს ღრუს პოლიპის მკურნალობა ხდება ჰისტეროკოპიით. პროცედურის დროს სპეციალური ვიდეოკამერით ხდება საშვილოსნოს ღრუში შესვლა და ვიზუალური კონტროლით პოლიპის მოცილება.