კოლპოსკოპია - ეს არის საშვილოსნოს ყელის გამოკვლევა სპეციალური მიკროსკოპით, რომლის დროსაც ხდება საშვილოსნოს ყელის მდგომარეობის შეფასება და სხვადასხვა პათოლოგიური ცვლილების გამოვლენა.

კოლპოსკოპიის ჩატარება ხდება გინეკოლოგიურ სავარძელზე:
- ვაგინაში თავსდება ჩვეულებრივი გინეკოლოგიური სარკე;
- ხდება საშვილოსნოს ყელის ვიზუალიზაცია და დათვალიერება მიკროსკოპით;
- ამავე დროს, საშოს კედლებისა და საშვილოსნოს ყელის დამუშავება კონტრასტული ხსნარებით, რაც შესაძლებელს ხდის პათოლოგიური უბნების გამოვლენას მისი განვითარების ადრეულ ეტაპზე.

**პროცედურის ხანგრძლივობაა 10-15 წუთი** და არის აბსოლუტურად უმტკივნეულო.
ტარდება ციკლის ნებისმიერ დღეს, გარდა მენსტრუალური სისხლდენის დღეებისა.